يا مركب الشوق .... للأستاذة. مشاعل أحمد

(رسالة)

إيه ياعم المدرس ماتراعي 

حرمةربنا فينا

عمال نازل حش في فلوسنا ما تراعي ربنا ياعم كمان فينا

وعمال تطرد عيالنا من مدارسهم وليه يا عم  بتعمل  انت كدا فينا

هي رسالتك اختفلت وعشان كدا يا عم نازل سلخ كدا فينا

ليه بتطرد عيالنا من المدرسة هي مدرسة ابوك ولا وارثها عشان كدا انت بتعمل كدا فينا

حولت بيتك لمدرسة وقاعد تاخد فلوسنا

 وقوتنا بسببك ماهو كمان مكفينا

ايه يا عم المدرس حتى ولادنا مستواهم زفت زيك ومش عارف  انت على فين مودينا

ياعم المدرس انت مش فاكر إنك كنت تلميذ في يوم من الايام ما تراعي حرمة ربنا فينا

الولد جاي لي امبارح بعد ما كان عند حضرتك قال لي مش فاهم بعد ما لطشت منه ثمن حصتك ليه بتعمل كدا فينا

ربنا ينتقم منك ليه ما بتعامل ضميرك يا اخي ليه بقيت كدا فينا

والولد حتى في الإملا مستواه زفت اقول له اكتب يقولي المدرس ما قرا فينا

دا حتى فيه مدرسة جنب بيتي المدرسين ماسكين الهواتف والعيال قاعدين تكسير في الكراسي هو ايه اللي حصل فينا

والبيه ناظر المدرسة قاعد يشرب شاي مع الست حسنه ولما شكينا ما سال فينا

ايه يا عم المدرس لا علم ولا......

وأصبحت بتنشر الجهل و الجشع فينا

انا مش عارف انت تاجر ولا مدرس ولا مصوراتي ولا بياع مذكرات وورق فينا

بيتي امتلا ورق وكله هجايص ليه ياعم بتعمل كدا فينا

وسميت اسمك اسامي كتير جهبذ وبروفسير ومستر وأنت أس الجهل ونشرت جهلك كمان فينا

أتحداك يا جهبذ يا مستر إن نشرت العلم الصحيح فينا

قل لي يا عم المدرس كم كتابا قرأت عشان تنشر علمك كدا فينا

فاقد الشيء يا عم المدرس منين يقرا أويجيب إذا هوا كدا فينا

ايه ياعم بهدلتنا وناوي تعمل ايه كمان فينا

فلوسي من أول الشهر أعينها لك عشان تاخدها وتكمخها وتجيب عربية تطلع لسانك منها كمان لينا

والولد ابني جاهل وأبكم وما بيعرف يكتب جواب لينا

فكرتني بالاستاذ شاكر كان يطلعنا نكتب على السبورة عرم بورم عرم بورم ولما كنت أضحك ينزل تهزيئ

كمان فينا

وكأن العم شاكر خلفك عشان برضه  تكون شاكر وتعلمنا عرم بورم ليه يا عم بتعملوا كدا فينا

الله يرحم أيام المفتش كان بيجي راكب حماره يربطه بالتوتة عند المدرسة ويدخل زي الأسد والمدرس واقف كما القط خايف انت ياعم على فين مودينا

ليه ياعم كل مخرجاتك زفت حتى الدكتور خطه نعكشة فراخ ليه يا عمنا بتعمل كدا فينا

تصور برضه اللي بيكلمك كمان مدرس ومن جيل برضه مرتبنا ما كان مكفينا

لكننا عارفين إن دا مستقبل وطن وان العلم  هيرفعنا ويبقينا

ما عمرنا اعطينا أبدا درس خصوصي

ولا عمره كان الجشع فينا

كان بعد الفجر ندي حصة في المدرسه مجاني وما حد كل أو مل ابد فينا

لأننا عارفين إن دا مسقبل وطن حتى لو كان مرتبنا مش مكفينا

حسبي الله ونعم الوكيل فيك انت فين مع العلم مودينا