مخاصمني
مخاصمني عامل فيها زعلان
بقى حاله صعب وبيحير
طَلَبِت معاه بقى شغل جنان
ماعرفشي ليه فجأة اتغير
خد مرتبة ولَمَّ الغطيان
ده عملها زعلة وهتطول
كان عادي هادي وطبعه حنان
بصيت لقيت وِشّه مأيّر
شكله اتلبس أو مسُّه الجان
ازاي بسرعة كده اتحوِّل
لو كان ليه حق ف زعله يا ناس
حقه اديهوله مش هتأخر
قولتلها ليه وعلى اي اساس
ليه الجميل طبعه اتعكر
قالتلي لأ مش فارقه خلاص
انسى الكلام واوعى تفكر
فيه حاجات ماينغع فيها نسيان
ولو اتنست مين هيذكَّر
دورت قولها مليت بيه الراس
وف بالي قلت يا خبر اغبر
كان عيد ميلادها وفاتني يا ناس
لأ حقها تقول وتأفور😀
بقلمي/ خالد جمال ٢٢/١٠/٢٠٢٤
