الله غالب
يحس قلبه ف لحظة بيا
اشوف عنيه بتنده عليا
تمسح ايديه دموع عنيا
يكونلي ويا حبيبي نايب
الله غالب
تبات نيران تصبح رماد
يساويها يوم رب العباد
يهل فجره يمحي السواد
يحن على قلبي اللي دايب
اعيش معاه ايام هنية
القى الحياة وردة وندية
اكون ياسين وتكون بهية
يعود شباب عمري اللي شايب
ما غيره ربي عالم بحالي
رامي ف هواك عليه توكالي
قادر يحقق معاك آمالي
والقى برضاك حلمي اللي غايب
لو بينا جاب هيوصل سلامي
لو الف باب ماتمنع هيامي
يقفل جراح حزني والامي
يفتح بيبان عشقي وغرامي
ما يبقى باب فيهم موارب
الله غالب
بقلمي/ خالد جمال ١٩/١٠/٢٠٢٤
