"نداء بالإخلاء"
يمكن إشاعة أو مظبوط
عمبيطلب نخلي لبيوت
هيدي بيوتنا يا ياهود
ما فيها سلاح وبارود
فيها مسك وفيها عود
وفيها عيلة وفيها ورود
فيها شاشة تلفزيون
بتعرض بالصور وبالصوت
عن جرايم بلا حدود
وأفعالا ما الها ردود
عنا حصيرة وبلكون
وشمس بتشرق بلوجود
بتنوّر على هالكون
وبتقول الأمل موجود
بواب بيوتنا متل سدود
متل الوطن والجرود
نخلي ونتشرّد ببيوت
بمدارس أو بفي التوت
تتقوى أكتر وتعود
تحتل القلب بيروت
مش رح نترك لو منموت
يا غاصب علينا مفروض
إخلي إنت يا جبان
ال بلا أمريكا مش موجود
فاطمة البلطجي
لبنان /صيدا