......... علاقة متبادلة .........
عمر ما كانت المشاعر سهله
ولا تتباع ولا تتعبا فى شوال
ولا ورق كوتشينه ولا طاوله
ولا أى حروف تتكتب وتتقال
ولا أى ملامح فى أى مقابله
ولا حكايات من القيل والقال
ولا قصص مؤلفه من الخيال
ولا كلمات ملدومه فى جمله
ونظرات فى الطالعه والنازله
وشعارات عايزين لها وصله
ولا كام كلمه حلوه فى موال
ولا ليها تقسيمه ولا رنة طبله
ولا ناى حزين حرك الجبال
المشاعر أحاسيس متبادلة
طرفين إتلدموا بروح الوصال
فى كل مكان ليهم نبع وقبله
وتواصل ممدود وفيض شلال
أتفاق ربانى إتقابلووا ببوصله
وتواصل المشاعر لا يقدر بمال
عمر ما كانت المشاعر بالمقاوله
ولا كانت تخطر على أى بال
صدق المشاعر بإرتياح المعاملة
وتوافق القلوب ميعرفش المحال
.............................................
.......... .. حسن الشوان 🇪🇬 ........