اصحى يا صاحبي ليغفلوك
داحنا في زمن دوّار
غدّار وبيحيّر
بين العذاب والنار
بيقولك اتخيّر
فيه البشر اطوار
ميت لون بتتغير
ايام ما فيها امان
لكبير ولا صغير
ده لو وقعت مش هايشيلوك
اصحى يا صاحبي ليغفلوك
ايام تلاقي الغش
موجود بميت حالة
مش عاوز يشوفلك وش
ويقولك تعالى
مصلحته ويا القرش
في النية متشالة
عايشين ملوك والعرش
من خسة وندالة
بيسدوا نِفسك وبيقفلوك
اصحى يا صاحبي ليغفلوك
يخش بيتك ويصاحبك
وعنيه تبص لاُدام
وكل غرضه انه يطيحبك
عشان علاقة مع المدام
يفضل وراها باسلحته
يخلق ما بينكم الاحتدام
شوية روحي وانا بحبك
وشوية زن على الودان
خلاك قتلت عشان شرفك
بسهولة دخلك اللومان
دول خربوا بيتك وضيعوك
اصحى يا صاحبي ليغفلوك
بقلمي/ خالد جمال ٢٨/١٠/٢٠٢٤
