............... شجرة الأحزان ...........
شجرة الأحزان طرحت على شبابيكنا
بدل الوروود أشواك تجرح فى إيدينا
صعبان عليها قوي ترحل و تفارقنا
فرحانه بأوجعنا وبدمووعنا ولما جينا
نزيحها هجمت علينا عشان تخنقنا
لمت أوراقها عشان ميبقاش لها ضليله
ويبقى الحر أو المطره تملا طريقنا
وتفتفت حياتنا وميبقاش لينا عيله
الطيووور هجرتها لما شافتها بتذهقنا
جذورها مغروسه ومتنيله بألف نيله
وهى جبروتها متضللش وتنشف ريقنا
وتجرح مشاعرنا وتخلى حياتنا مذلوله
اووراقها بتلبلب على حرووف أوراقنا
عايزه تشخبط على حرووفنا الجميله
سقينا جدوورها لغاية ما بقت تسبقنا
وبقت متعتها تشووف وشووشنا ذليله
ما تمرش فيها عشرات السنين ومارقنا
اللى بيجرى فى عروقها بكل سهووله
جه الربيع يخضر اوراقها سمع حقوقنا
صعب عليه حالنا وما باليد أى حيله
ربنا اعلم بيها وقادر يفرحنا ويضحكنا
ويعوض صبرنا ويشفى قلوبنا العليله
................................................
........... د . حسن الشوان 🇪🇬 .........