( تيت تيت دليفري جي)
لمحمودمطر
قصيدة عامية
قال لي دقيقة واحدة من عيوني هتلاقيني قدامك ياجميل في السكة جي
وبعد ساعة اتصلت بيه فينك ياعم قالي أنا اول الشارع وحياتك انت في السكة جي
سمعت جنبه هيصة وزيطة قلت له انت في السوق هتيجي ولا ما انت ياحبيبي جي
قال لي ياعم انا واقف تحت العمارة والبواب اداني من اديه الحلوة بق شاي
وانا سامع بتاعت الطماطم عماله تقول ياورد باربعين ولسه الحلو جي
قلت له اديني البواب يا عم انته قال البواب بتاعكم راجل كريم ومافي مثله زي
قلت ليه انت تتوه انت فين وبتاع الطماطم عملت لك فضيحة وانت لسه بتقولي جي
قال لي ثوان يا عم انته ام العيال متلفنالي بتقولي ما تنسى الخيار
والشوز بتاع البت مي
قلت له الله يخرب بيتك دا انت يمكن على ماتيجي عندي متلاقيني كنت حي
الدوا بتاعي في ايدك وانت قاعد تلفلف وتشتري خيار و شوز كمان للبت مي
قال يا عم هدي بالك إن مت انته هديه للورثة هي خمسة وهتلاقيني جي
سبته شويه والمغص هيقطع معاي وعلى الحمام كل شويه رايح وجي
قلت له قل ياعم يا ديلفري انت فين
انت نستني ولا ايه ولا ما انت اليوم جي
قال ياعم مستجعل ليه دا ربنا خلق الخلق في ستة ووالله في الطريق انا برضه جي
وبين شد ورد رصيد الهاتف مني خلص ولقيت الشركة بتقولي رصيدك نفد قلت لها انا برضه جي
وانقطع الاتصال بيني وبينه اصل عنواني يتوه وإن سالت على عنواني له مليون والف زي
وبقالي اسبوع اهوه لا الدوا فط وجاني ولا جاني اللي قال لي لسه
جي
كل حياتنا كدب في كدب تكون على بعد قاره ويسالوك تقول نص دقيقة انا برضه جي
والاسهال بهدلني خالص والدوا قاعد يلف ولما سالت الصيدلي قالي دقيقه والدليفري برضه جي
فتحت باب البلكونة وصرخت بأعلى صوتي هموت رد البواب وقال لي دقيقة واحدة والحانوتي برضه جي
وفعلا اقل من دقيقة لقيت الحانوتي واقف امامي بيقول يا كريييييم انت الميت ولا لسه الدور جي
قلن له ياعم انا الميت قال لي لحظة هاقعدها وعزرائيل في السكة جي
طلعت البلكونة وزغردت قال البواب هو العريس وصل ولا لسه جي
لحظة واجيب المأذون يكتب كتابك
ما هو في فرح تاني بس شويه وتلاقيه بموسيكل جي
أصل مولانا برضه زي الدليفري تلاقيه بيطلق ويقول دقيقة هتلاقيني
والمعازيم اكلوا واتسربوا ومولانا يقوله انا برضه كنت جي
والعريس مهدود يا عيني ما هو دوره في الحرب جي
المرة دي قلت للبواب اطلب لي مستشفى المجانين اصلي خلاص
الجنون في طريقه جي
دخلت من البلكونة وانا قاعد اقول بلالالم بلالام هو قطر بلدنا جه ولسه
ما انو. جي
قهقهقه
محمودمطر