اسمك ايه؟
ياللي عشقتك رد عليا
قلبي سألني عليك وعنيا
لو قلبك كان حاسس بيا
لو عقلك بيفكر فيا
لو قمرك ساكن لياليا
لو ليا وماليك بعديا
قوللي حبيبي طب اسمك ايه
ليه تتقل وتلاوع فيا
ليه تخجل وتداري عليا
لو هاسأل هعرفه من مية
بس معاك هسمعه اغنية
هيزوِّد فيا الحنية
عمري ما هسمع صوت زييه
بتقوللي اقراه ف عنيا
لو قلبك كان مايل ليا
لو شاري هعرفه وحديا
طب قولتله سهلها شوية
فقالتلي حرفين يا عنيا
اول حرف بداية المِية
والتاني رابع الألفية
فعرفته وعملتله خيه
لَاجل بصوتها تنطقه هيه
وكأني صوتي متحاش فيا
قام قلقت في ثواني عليا
وقالتلي افديك بعنيا
اسمي انا مي واسمك ايه
لما نطقت برد عليه
عرف أنها كت حيله عليه
علشان اعرف ايه مداريه
قام بصلي باصات بعنيه
قلت خلاص دانا هنت عليه
بس اوام ضحكتلي عنيه
ولقيت ايدي حاضنه ايديه
قاللي بحبك يابن الايه
اسمك ايه
بقلمي/ خالد جمال ١/١٠/٢٠٢٤
