مش وقت حكايات
مش وقت حكايات..!!
الحرف لابد في الدرة
فارض على القلم السكات..
محظور عليه يلمس
سطور البوح بسنه
من قريب او من بعيد
وإلا صار ضمن الموات
وإذ كان لا بد من الصرير
.خليه نفير يزعق
في كل ضمير
نسى إنه محاسب
عاللي جي وعاللي فات
لكن صوابعي مصممة
تقف قصاد كل المشاهد
واجمة متلجمة
.آخر ما فيها تشد حيلها بالدعا
وتوجهه لرب العباد
مدسوس في قلبه الأمنيات
ياصوت سكاتي
رد غيبة قهر قلمي وقول لهم:
عمر الكلام ما سد جوع
أو كفكفت صرخة الدموع.
الفعل صوت حال
اللي ناوي تحفظ ملامحه الذكريات
فعشان كده:
كمم حروف قلمك بفعلك
وانزل لساحة المعركة
ساعد فقير
وفر لو حبة حاجات
اطلق قواك الكامنة جوه الحروف
أفعال ما تعرف أي خوف
تحل كل المغضلات
كفياك كلام
شبعنا من زيف النواح والولولة
خليك جدع
وانزل بتتر جديد عليك
من غير كلام
سيب بصمتك
واجبر قلوب كل العوام
لو حتة لقمة غموسها حاف
.تسد جوع المحجوزين جوه الآهات
ودع زمانك يا خطيب القول
وفز ده.الوقت مش وقت حكايات؟!
الوقت مش وقت حكايات..!!
بقلمي عبيرالصلاحي
من ديواني تعال أما اقولك
