حريف
ياما قالوا عليه ف الشوق خبرة
ولعيب حريف
ومالوش كده زى وحاله نادرة
ف العشق عنيف
وانا قلبي يا ناس معدوم قدرة
ومالوش تصنيف
نساني النوم انا من فترة
وبنام تخاطيف
ابو جفن كحيل ورموش قادرة
حدها كالسيف
ابو عين نظرتها يا ناس قاتلة
وانا قلبي ضعيف
ابو ضحكة تداوي من الكسرة
ابو دم خفيف
ابو همسة بتاخدك لمسرة
وكلام ع الكيف
ابو خد عليه ورده بكترة
ف ربيع وخريف
وشفايفه يا ناس زي الجمرة
الطف يا لطيف
وعسلها يسيل زي الخمرة
وبريقها خطيف
ده ملكني بنظرة كما السحرة
وماليش تصريف
وسقاني هواه كده حاجه صفرا
خدرني الطيف
ده شويه عليه يتقال خبرة
وكلام تخريف
ده حبيبي معلم بالفطرة
ومالوش توصيف
حريف
بقلمي/ خالد جمال ٣/١١/٢٠٢٤
