(بهالدني ما فيه أمان)
بالدني ما عاد فيه أمان
والحياة ما عاد تعنينا
وفيها ضاع الحب والحنان
وفيها ودعنا حبايبنا وأهالينا
ومات الضمير ومعو الوجدان
وللسعادة فقدنا مضامينا
وشعبنا عايش بالفقر والحرمان
وبالكرامة ما حدا بيوازينا
وزاد الوجع وكثرت الأحزان
وشمتوا فينا كل أعادينا
وتهدموا بيوتنا وعابت البنيان
وضاعت أحلامنا ومعها أمانينا
وصار جنوبنا من الشعب عريان
حتى نسينا بعض أسامينا
والعتب ع لي بيدعوا إخوان
وليش خالفوا كل مبادينا
إيد بإيد إتحدوا مع الطغيان
وباعونا حتى يشمتوا فينا
وربنا ذكر بآيات من القرآن
واجب نحافظ على تآخينا
ولك وحياة من خلق هالإنسان
لنحمي بلادنا وِنْرَجِع أراضينا
وشعبنا يرجع يعيش بأمن وأمان
وإسمك ينحفر بالقلب يا لبنان
وعراية النصر تنكتب فيك قوافينا
بقلمي ❤️إسحاق قشاقش❤️