أرحم
ارحم يا حبيبي دموع عيني
اعطف على مدة دراعيني
سكن أنات ساكنة وتيني
عطشان لهواك والمية معاك
طب امتى تحن وتسقيني
ارحم يا حبيبي الروح عانت
عايشة بتهواك ولا يوم خانت
معقولة عليك هتكون هانت
من وقت لقاك عاشقة وشارياك
والوعد كمان ف العين صانت
ارحم يا جميل قلب مسلم
ف ليالي الشوق داب واتألم
متمسك بيك ولا يوم سلم
وبرغم جفاك عمره ما ينساك
وإن فاض بيه يشكي ويتظلم
مشتاق لايديك تلمس أيدي
وتقول لشموعي معاك ايدي
بينادي عليك دم وريدي
وإن نطق النبض يقول بهواك
ويقول ده لقاك فرحي وعيدي
بحلم ييجي يوم فيه ترضيني
ولبر هواكي تعديني
على قلبي تحني تواعديني
واعيش العمر الجاي معاك
وسعادة الكون ما تقضيني
بقلمي/ خالد جمال ٥/١١/٢٠٢٤
