( الواد حسين رشدي)
محمودمطر
الوادحسين رشدي دا ولد بلطجي وابن كمان عفاريت
كان ديما يضربني في المدرسة ويقولي يا واد انته يا ابن التيت
وكان ديما ياكل أكلي برذاله وإخيه عليه كان له يا اخونا دم غتيت
يقابلني الصبح هات فطارك والا اضربك يا واد انته يا ابن التيت
اديه كل اكلي واتفرج عليه وهو بياكل فيقولي ما تبصليش يا واد انت يا ابن التيت
وكان عامل نفسه في الفصل ألفه علينا اصله ولد عفريت
يروح للمدرس يقوله اي حاجه كنا بنعملها لما بقى علينا ألفه ابو دم غتيت
ولما كبرنا سبحان الله برضه كان بلطجي بياكل أكلي أصله مرتشي وغتيت
رحت مره أزوره في مكتبه ضحك وقالي ازيك
يا واد انته يا ابن التيت
ووحياتك ما رضي يخلص معاملتي إلا ما وضعت في درج مكتبه شوية تيت
سألته هو إيه يا حسين دا معنى التيت
سكت شويه وقال تيت تيت تيت
فعرفت أنه مش عارف
فهل حد عرف هو إيه يعني التيت؟
يا اخونا اللي عرف يعلق ويقولي هو إيه التيت
محمودمطر