حاكم
حاكم ع القلب والاحساس
عليه سيطر كما الوالي
ده عشقه احتل قلبي خلاص
وسلمت لعنيه حالي
بدون طلقات وضرب رصاص
ده سهم غرامه كان حالي
ماخدت ف ايده ثانية يا ناس
رفعت الرايه ف العالي
اسر ف الروح سبى الانفاس
بكلمة حب قالهالي
ده كان قلبي عليه حراس
سابوني وهربوا ف ثواني
دا كان بابي فوقيه ترباس
فتحله وقال عزيز غالي
لقيت نفسي بقوله خلاص
ملكني العشق طوالي
سقاني الحب كاس ورا كاس
رواني وزال بيه حرماني
هواكي خلاص يا بنت الناس
سكني وعاش ف وجداني
غرام يتشال جميل ع الراس
عشان ف الروح مقامه عالي
بقلمي/ خالد جمال ٦/١١/٢٠٢٤