ابن أصول
لما الهوى كان باب مقفول
كنت زمان تتمنى تطول
نظرة رضا أو شوق موصول
ياما قلتلي ف كلام معسول
وبعتلي ييجي ميت مرسول
وحلفتلي ان انت تصون
عهد الهوى ولا يوم هتخون
واما فتحت الباب على طول
قلبك سابني وبقى مشغول
واتعلقت بدول وبدول
من وقتها وانا بيك مذهول
بحكي حكايتي معاك وبقول
على قلب ما يعرفش أصول
ليه بنخون القلب الطيب
ليه على صدق مشاعره نعيّب
نلعب بيه وف امله نخيب
نجني عليه وف بخته نميل
ليه نبكّيه لو دمعه قريب
نطفي نجومه وشمسه نغيّب
قبل أوانه ف شعره نشيب
ويعيش طير بجناح مكسور
علشان صادق وابن اصول
بقلمي/ خالد جمال ٢٩/١٢/٢٠٢٤
