ق: عظيمة يا مصر من يومك
ك:أحمد عبد الرحمن صالح
▓▓▓▓▓▓▓▓▓▓▓▓▓▓▓
◆
◆
◆
كتيـــــــــــــــر القهـــــر موتنا
ولا تعبنـــــــــــــــــا ولا يئسنا
ولا بنحــــــــــــــزن ولا بنلوم
أصيله يا مصر مـــــــن يومك
عظيمة وفاتحــــــــــة ابوابك
لكل الخلق أكــــــــــــل ونوم
لقصّادك وأحبابك وحُسّادك
وكــــــل اللــــــــــى بيلجئلك
كرم زايـــــــــــد وخير بالكوم
ولا بتبخـــــــــــــل ولا بتقسى
ولا بتيجــــــــى على ضيوفها
كريمـــــه يا مصر حتى اليوم
فلسطينــــــــــــــى ودا سورى
عراقـــــــــى كويتى وسعودى
جناحك بالامــــــــان مضموم
ولبنانــــــــــــــــى وده عمانى
وده يمنـــــــــــى وده سودانى
على ارضك خـــــــــلايق كوم
وليبـــــــى اُردنــــــــى تشادى
صُومـــــالى مغربــــــى ايرانى
وغزاوى تــــــــــــداوى هموم
ولا عمـــــــــرك قفلتى الباب
ودايمـــــــــــاً سيعى للاحباب
وحســــــــدينك يعيب الشوم
علـــــــــــــى اصلك وافعالك
علـى تاريخــــــــك وامجادك
صحيـــــح الدنيـا مش بتدوم
لكنك دايمــــــــــــه بخصالك
وكل الخلق شهــــــــــــــدالك
بأنك للحيــــــــــــــــاة دى اُم
علــــــــى راسنا نشيلك شيل
تقوينـــــا فــــــــى شد الحيل
ولا حــــــــد يســـــئ لك يوم
عظيمـــــــــة يا مصر بولادك
ودايمــــــــــــاً وصله لمرادك
وشعبك بالطيـــــــــابه يدوم
صحيح المجـــــــــــد له ناسه
وأنتِ تـــــــاج علــــــــى راَسه
يا ردّه الحــــــــــــق للمظلوم
مغـــــــــــول وتتار ما خليتى
وكل الظلـــــــــــــــم بتبيدى
ولا بتقســـــــى على المهزوم
صحيـــــــــــــــح ربنا حفظك
ودايماً بالأمـــــــــــــان خَصك
وإسمكِ وحـــــــده بس علوم
بكل الخير تمـــــــــــدى الايد
غــــــــريب وقريب وأى بعيد
وســــــــده الحوجه للمحروم
ومين يقـــــــــــدر يكون زيك
مفيش ف الكون ده زيك حد
لحد الساعــــــــــــة لما تقوم
نصيبك تبقـــــــــــى شاغلهم
وحراقهــــــــــــــــم وقهراهم
هنهرب فين مــــن المقسوم
يا ارض العلـــــــــــم والعلماء
كتير خرجتـــــــــــى م النبغاء
ويشهـدلك إيمـــــان معصوم
مفيش فيكِ طـــــوائف جهل
ومنظـومـــــــك ودينك سهل
ونهــــج بسيط ومش مزحوم
يا رب أحفظهــــــــا وانصرها
وبــــارك شعبهـــــــــا وقوتها
وخليهـــــــــــــــا يا رب تدوم
دى مصر فى يــوم لو اتخلت
عن اللى اتعـــــــــــودت تديه
يجوع الخلق بعـــــــد الصوم
سلام وأمـــــــــــان على بابها
مشفتش حــــــد فـــــى أدبها
تواَســـــــــى وتنصر المظلوم
عظيمة يـا مصر مـــن يومك
يزيـــــــــدك ربـــى ويصونك
ويبعـــــــــــد عنكِ المشؤوم
◆
كلمات:أحمد عبد الرحمن صالح
