إيه حصل؟!
إيه حصل يا حبيبي بينا
إيه اللي جد وايه اللي صار
ليه بقينا بعاد ومالنا
زي ما يكون بينا تار
هيه عين وصابتنا ولا
جه علينا زمان وجار
الكلام ع الأد بينا
كل شئ بقى بإختصار
الزعل والصد حالنا
والفرح بلغ فرار
التجهم شرع بينا
وانتهى زمن الهزار
ليه نعيش أيامنا واحنا
روحنا بتعاني انكسار
ليه تضيع أحلامنا منا
في المشاكل والشجار
واللي عشناه يوم ف جنة
ليه نعيشه سنين مرار
ليه زمان الحب عنا
فات مكانا ووشه دار
ليه نداري الشوق دي كلمة
بالمحبة بتبني دار
وإن تغيب العشق بينا
يبقى عرضة لانهيار
لو زعلنا تكفي بسمة
أقوى من اي اعتذار
يالا نلحق نحمي بيتنا
بالتفاهم والوصال
نقضي ع الخلافات ما بينا
قبل ما تشق الجدار
بقلمي/ خالد جمال ٢٢/١٢/٢٠٢٤
