(الجاي ده علشاننا)
ومهما عتمت بينا
سما الأحلام هنتمنى
ونزرع جوه قلب العتمة
100طاقة لفجر
جديد ونستنى
ونروى بالدموع
بذرة خضار
روحنا ونتأنى
بلاش نستعجل الآتي
عشان لما الأدان يدن
نكون جاهزين له بالحنا
ونتوضا بضيا الأفراح
ونصبغ شيبة العمر
اللي عدا وراح ونتهنى
ده مهما كتفت فينا
حبال الصبر
وسابت فوق ليالينا
علامة قهر
هنعزف لحن موالنا
ونسقى للسنين شربات
يحلى مر أحوالنا
فهاودوني.. وطاوعوني.
وحنوا بالأماني الجاي
وقولوا :
الجاي ده علشاننا
بقلمي عبيرالصلاحي
من ديواني تعال أما أقولك
