ما بين لحظة وبين تانية ..
بتتنكر لك الدنيا..وتاخد جنب.
تلاقيها في وسط الزحمة
زاغرة لك وعالنة الحرب.
تتكتكلك.تدبرلك .
ووسط الخلء بتكيدلك.
وايه يعني يا ريت
من بدري يا دنيا كرهتينا.
لا حبينا في يوم حسنك
ولا بالزيف فتنتينا
نهايتك مهما طال
مشوارنا في متاهاتك
هتيجي في يوم تبعينا
مافيش فيكي ولا حاجه
عليها تبكي ارواحنا
يا ريت من بدري سبتينا
انا مش عاوزة
من جوزك ولا لوزك
ولا تلوي في يوم بوزك
بحق الله تفارقينا
وبالحسنى وبالمعروف
نفارقك واوعي تأذينا
يا سامع في الفضا صوتي
وداري بحالي وبقلبي
ما تجعلها في يوم همي
ولا علمي يكون
موقوف على متاعها
والقى نهاية التوهة
على عتابك كرم يا كريم
وزي ما قلت في كتابك
تكون الجنة اراضينا..
"اللهم لا تجعل الدنيا أكبر همنا ولا مبلغ علمنا"
بقلمي عبيرالصلاحي
من ديواني تعال أما أقولك
