بيان توضيحي
يمشي تعدي النسمة ف ريحي
واما بيمشي بيعصف ريحي
بلقى ف قربه سعادتي وفرحي
وإن يوم فاتني تزيد تباريحي
قلبي يلومني إزاي كده سبته
والروح تشتكي من تجريحي
أعمل إيه والبيه مش حاسس
لا بتلميحي ولا بتصريحي
يظهر فهمه يا ناس على قده
محتاج مني بيان توضيحي
أو محتاجه الكلمة أراعي
لو قلتها وضعي التشريحي
عمر القلب ما عنه اتخلى
بعشقه من فجري لتراويحي
توهت معاه وصابتني العلة
دوقت اساه ونسيت تفاريحي
شكله يا ناس بيا بيتسلى
قلبه اتعود على تسويحي
مش هيقوللي بحبك إلا
بعد وفاتي وجمب ضريحي
بقلمي/ خالد جمال ٢٨/١/٢٠٢٥
