مستورة
إن يوم سألوني عن الاحوال
برد مجبورة
وان حد سألني إن ضاق الحال
بقوله مستورة
وإن سألوا ف يوم عن بخت ومال
ونفس مكسورة
بنكر وبقول كده عال العال
ونفسي مسرورة
وأن لمحوا الدمع ف عيني وسال
بقول دي معذورة
من كتر ما شافت ريح ورمال
وجو شبورة
وإن قالوا عليا طويل البال
أصل ومالوش صورة
دايما بتصبر ع الأهوال
ف دنيا مغرورة
ما بتشتكيش لو زمنك جار
لا لدولا ولا دولا
صابر و صبرك عدى جبال
وبترضى بسهولة
بقول ده فضل وعدل كمان
ونعمة موفورة
داري العذاب أشكال والوان
وعيش كعصفورة
بتسيب توكالها على الرحمن
وأملها كام فوله
لو مهما عانت م الطيران
بتعود ومجبورة
احمد ف شدة عزيز رحمن
تلقاها مستورة
بقلمي/ خالد جمال ١٢/١/٢٠٢٥
