يا امي يا حتة من روحي وتكويني
معنتش بابكي يوم عيدك لان خلاص هتلقيني
ميمم ناحيتك طاير ونفسي يا غالية تاخديني
في حضنك بعد ما اوصل لك وتجبري عمري وسنيني
لاول مرة بالقاني ما نيش بابكي ولا بادمع
في وقت ما يجي يوم عيدك ده باب الحزن متشمع
كأن العمر طمنني بان خلاص هنتجمع وبعد فراق قطم ضهري سنين ماليتم بتسمع
تشد الآهة من حلقي وبسمة قلبي تتمنع
نسيت في الزحمة يوم عيدك
ووقت ما جابوم السيرة
دعيت من قلبي
نتلاقي في جنة ربنا الواسعه
واحب يا غالية على ايدك
وملي عيوني من حسنك
واقولك ان انا غصنك
حصد في الدنيا من خيرها
ببركة دعوة لوليدك
يا ام ايمان يا وحشاني
عبيرك زي ما حلمتي
بقيت في الدنيا شئ تاني
ومدت جدرها لسيرتك
فطرحت نعمة حرساني
لكني بجد مش قادرة
اكمل سكتي وحدي
واخطي يا امي من تاني
كفاية اني مهما كبرت
باحس بلسعة الوحدة
رغم الزحمة يا تحية !!
عينيك الدافية وحشاني
عبير