بقلم ممدوح العناني
قصيده بعنوان
،،،، قاسيه قوي ،،،،،،،
الايام
تقيله والدنيا قاسيه قوي
وانا
ال مصبرني الشديد القوي
من
كتر الهموم زي ال فالنار بتشوي
اصل
ال وجع الجرح ميحسش بيه الا الموجوع
حد
في مره عرف شبعان حاسس بال يبات بالجوع
دنيا
جات على الاصيل هدته ونصبت الجربوع
واهي
دنيا مره الشجر يبقى كله ورد ومره ما يتبقى من الا الفروع
واديني
صابر وهصبر وعمري بنعمة ربنا ما هكفر لانه الايمان جوه قلبي مزروع
الصبر
جوايا وماشي معايا مش هتعجل
واملى
في ربنا للاحسن حالي يتغير ويتبدل
والايام
تقيله والدنيا قاسيه قوي
وانا
ال مصبرني على حالي الشديد القوي