بقلم ممدوح العناني
قصيده بعنوان
،،،،،،،،، مصدقاك انا ،،،،،،،،،
كداب
وبتكدب عليا وانا عرفاك
وعرفاك
مش هتبطل كدب وبرضو ومصدقاك
واضحك
على نفسي واسمع كدبك
اعمل
ايه ماهو غصب عني عشان بحبك
عمرك
شفت وحده تحب كداب اهو انا
ما
انا عرفاك وعجناك وخبزاك ومعاك ليا سنه
كداب
اه صحيح بس مش في طبعك الخيانه
حتى
كدبك مش بيجرح كدب من غير تجريح ولا اهانه
كفايه
انك بتقولي يا حبيبتي انتي جوه قلبي امانه
وبتخاف
عليا وتقولي انتي جوه عنيا
انتي
حياتي وعمري انتي غاليه عليا
وانا
مش هحب غيرك ولا غيرك ليا فالدنيا ديا
وكداب
وبتكدب عليا وانا كمان عرفاك
وحتي
في كدبك اسمع منك واعمل حالي مصدقاك