بقلم ممدوح العناني
قصيده بعنوان
،،،،،،،، صوم مقبول ،،،،،،،،
لما
انت صايم ليه تكشر في وش الناس
ابتسم
دا الابتسامه صدقه افهم يا ابن الناس
الصوم
مش منع الاكل والشراب لا ويصوم معك كل حرام وعيب ودا الاساس
وايه
يعني صايم ومانع نفسك عن الماء والطعام
وساعة
الفطار كل لقمه قدامك جاييها من مال حرام
وطول
اليوم هات ياخناق وزعاق فالجيران والولاد والمدام
استغفر
الله فطارك ارحم الف مره من الصيام
الصوم
يعني تكون مؤدب قدام ربنا تكون خجلان وكلك احترام
تكون
في اخلاقك مثال للايمان والاسلام
علم
اهل بيتك ايه فوائد الصوم وقراءة القرآن وصلاة القيام
اصل
ال يقربك من الجنه صالح الاعمال
وال
بدخلك النار عصيان ربنا وكل عمل بطال
الصيام
يعني وجه مبتسم عليه علامات الطيابه بتترسم
مش
وجه كشري وعاوز من كل ال قدامه ينتقم
الصوم
يعني تتقلد باعمال وكلام الرسول
عشان
كدا تستاهل باذن الله يكون صيامك مقبول