(فقير وقلبو كبير)
وبالصدفة فيها إلتقيت
وما حدا عليها قدير
ولحقتها دغري عالبيت
وعقلي إبتدا بالتفكير
وبسرعة إلها إنشديت
وصرت إنطرها بكير
وإمشي خلفها عالسكيت
والدني برد وزمهرير
وياما لإلها إستنيت
ومرة عجنب الغدير
لوحدي رحت تمشيت
شفت شعر وعم يطير
ومن جنبها مرقت وعديت
وروايح متل العبير
وبلحظة الريحة شميت
وملاك بلبس الحرير
وعوجها لمعة من الزيت
وخدودها متل الخمير
ومتل عيونا ما لقيت
ولجمالها صرت أسير
وأحلامي شوي تعديت
وعنها سألت لنواطير
وقالولي الهيئة حبيت
وحكيتها بوقت قصير
وكل لبقلبي فضيت
قالت لإلي من الصعب تصير
وعليك ما تظن تْجَنَيْتْ
لإنك إنسان فقير
وما بتملك أرض ولا بيت
قلتلها بس قلبي كبير
وغيرِك إنتِ ما حبيت
وبعملك من قلبي سرير
ومن حبك أنا جَنَيت
قالتلي العمر قصير
ومن الحب ياما تأذيت
وبرأيي صعب التغيير
وعالحب حرب شنيت
وتَركِتني متل الضرير
وعصخرة ظهري حَنَيْتْ
وما قادر قول التعبير
غير الله يعينك يا فقير
لو مرة غلطت وحَبَيت
بقلمي❤️إسحاق قشاقش♥️