أنا الطيب
أنا الطيب أنا القلب
إللى قولتِ عليه كده قريب
ومِش بتلون
وصَدقتِ كلام ناس بتتلون
أنا الأنسان ومِش كَداب
ولا خَاين ولا غَدار
وليه تِنسي إللى كَان بِنا
وقبل قولتِ إن أنا إنت
أنا وطنك
قصدي إللى كان وطنك
وخونتيه وكَدبتيه
وصَدقتِ إللى قالوا فيه
ومِين دول وإسألي نَفسك
أنا إسمك وأنا مِنك أنا جواكِ
شايل هَمك أنا دَمك
وإسألي دَمي على إسِمك
أناعُمرى ما يوم خُونتك
أنا الانسان إللى جواكِ وليه نسيتي
أنا الطَيب يا غَلبانه
وأنا غَلبان يا إنسانه
أنا الحِنيه إللى جواكِ
أنا طِيبتك وجُواكِ أنا العنوان
أنا الدَمعه إللى فى عِنيكِ وليه نسيتي
أنا حِلمك وأنا عَوضك وأنا الأيام إللى ضِحكتلك
كده حِكايتي
وفَاكره إنتِ وليه نسيتي
أنا الوشم إللى فى إديكِ كِده نسيتي
وفَاكره يوم نقشتيني على إديكِ
وفَاكره لما سَألوكِ وقولتلهم وحاكيتي
وفَاكره لما قُولتلهم وده حقي وده حلمي
وليه نِسيتي وصدقتي كلام منهم وليه نسيتي
أنا تَسبيحه حواليكِ بتحميكِ
بَلاش تنسي وإفتكري صلاة الفجر
بصاحيكِ وأدعيلك وتدعيلي
وفِنجان قهوه ونضاره
صباح الخير يانواره
ويا قلبي خدي قلبي
إللى كان يوم مكان قلبك
وكان وطنك وتسبيحه فى إديكِ
ولسه فيه حجات منك كمان صورتك
هاتي قلبك
عشان وطني ومحتجلوا يدفيني
وأنا الطيب أنا الانسان
لايمكن أخون ولا أكذب
عشان طيب عشان إنسان
عشان عِنوانك إللى كان
وح يفضل عَليه إسمك
وبتسافري تروحي بعيد وأفضل برده جواكِ
أنا باقى ومش ناسي أنا الانسان إللى جواكِ
أنا الطيب أنا القلب وأنا الروح وأنا إنتِ
كده قولتِ كده قريب وليه نسيتي
شعر
على أبو السعود