دوبني
خدني ف ثواني هواه علطول
لا قال احم ولا قال دستور
برجلني سحره بقيت شاتت
مشاني ويا الشوق مسطول
دانا كنت قاعد ولا مشغول
لا ليا دعوة بدول أو دول
هل بغرامه النار قادت
وعنيا ماشافتشي إلا النور
كل اللي فاكره من الأحداث
الحسن خطى عليا وداس
والجفن خطفتني رموشه
ما لحقت انادي غيتوني يا ناس
كان قلبي محمي بميت أسطول
والسلك لافُّه داير ما يدور
يا ريت يقوللي ازاي وصله
وازاي كمان نط من السور
كل اللي طالبه تفهمني
ازاي ملكت الروح مني
وازاي ف ثانية بقيت مشغول
سهران ليالي ومستني
ماقدرشي ألوم ع الشوق قلبي
ولا أقول ده ذنب هواه ذنبي
أصل الجمال اسرار ف عنيه
وأقل سر يا ناس حربي
دوبني
بقلمي/ خالد جمال ٢٢/٤/٢٠٢٥
