( شعر شعبي )
في وصف الحال...
شعر: بلقاسم بن سعيد
تمشي.. تتبدل لحوال
أو حبي الغالى ما يتبدل
إنحب إثنين أو حبي طال
أو عمره فحياتي ما يذبل
حب إبلادي إللي في البال
وي إيفكر فيها وأو ما يغفل
أو أرض إللي ربات إرجال
و الكون إل بعباده يحفل
صحيح اليوم ضياڨ الحال
و العيشه مره... و تجفل
بين البايع و النشال
ضاع الحاضر و المستقبل
الورده... ما كانت تذبال
لو مانا على إثراها يهطل
جا.... وقت الفعل الفعال
إنشيد.. ما إبدينا ون إنكمل
أو مهما ها الغمه تطوال
تبقى إبلادي عود قرنفل
بلقاسم جايب لمثال
سعيدي إي ربخها في المحفل
ثابت في إجميع الأقوال
أو ما إيطيحش لحظه للأسفل
أو لا إيتبع جرت دجال
أو لا يكتب حرفه وى إيهمل
شعر: بلقاسم بن سعيد
مدينة سوسه-تونس