(ماتحاسبو عدينو)
حرام الظلم هالقَدّْ
وتخنت واللهِ عن جَدّْ
عم بتذلو وتهينو
وليجاوب ما عندو رَدّْ
وعم بتحاسبو عدينو
وإيدك عليه بتنمَد
وبفلول النظام بتدينو
والضرب بينزل عالخد
مع إنو الله يعينو
عاش بالظلم وما إستدّْ
إتطلع وشوف جبينو
من كتر الظلم مهدود هد
وتعبان ومغَيَر تكوينو
وللمية لازم ينعد
خيك بالوطن ما تدينو
ولا تجعل بيناتكم سد
دمك جاري بشرايينو
وإعمل حساب ليوم الغد
وكون القدوة وروح عينو
وظهرك فيه رح ينشد
ولحرفك إنت زينو
وعليه إياك تحتد
وإعرف عذاب سنينو
وما تتعامل الند بالند
وأطبع قبلة عجبينو
كرمال يحبك عن جد
وما بيفرق دينك عن دينو
وزورو الجمعة وسبت وحد
بقلميإسحاق قشاقش♥️