لمح
آه يا حبيبي لو بغرامك
قلبك يسمح
لو بحنينك أو بهيامك
مرة تلمح
تلقى الروح بتحوم حواليك
وإليك تجمح
تلقى عنيا انبهرت بيك
هايمة بتسرح
تلقى القلب مسلم ليك
نبضه بيفرح
مش محتاجة تقول وتصرح
يكفي تلمح
أي اشارة هتصبح وعد
بيني وبينها
أي علامة لنار الوجد
تطفي لهيبها
وقع شنطة معاك ع الأرض
هجري واجيبها
ابعت وردة دليل ع الحب
عمري ما اسيبها
ارسم بسمة شوق ع الخد
عارفه حبيبها
أصل أنا قلبي نبيه ومدردح
ليكي مصحصح
امتى يا غالي تحس الشوق
امتى هتعلم
امتى تقوللي انت المعشوق
قلبك يرحم
امتى هيطلع ليا شروق
والليل يرحل
من نواتي تكونلي الطوق
عني وتسأل
قلبك من معاناتي يدوق
ولا يوم يتقل
يبقى هواك الزاد والمطرح
لما تلمح
بقلمي/ خالد جمال ١٩/٤/٢٠٢٥