يا مجرمة
في مكانه عالية كانت مكانتك
كت ف العلالي وف السما
دخلتي قلبي وعليه أمنتك
كت روحي ليكي مسلمة
غدرتي بيا سقيتيني سِمِّك
وأنا فاكرة شهد يا مجرمة
طعنتي قلبي ولا جرحه همِّك
كت طعنة لعنة ومؤلمة
لا يوم اسيت أو مرة خنتك
ولا يوم سهيت عنِّك أنا
كان قلبي طوقك وكان سفينتك
ياما كان زمان ليكي الحِما
كان جنتك وهواه مدينتك
فيه عايشة عيشة مُنعّمة
بقى ده جزائي عشان عشقتك
أجني ف جراح وأحصد ضنا
طب ماتقوليلي من أى مِلَّه
وإيه ديانتك ؟!
ده لو شيطان كان قلبه لان
كان فيكي قدِّم مظلمة
كدمات اهانتك
صفعات خيانتك
على قلبي لسه معلمة
يا مجرمة
بقلمي/ خالد جمال ١٠/٦/٢٠٢٥
