حِنّي
يا مالكة القلب ويا الروح
وامتى تحني؟
ليه سايباني أعيش مجروح
بكلمة تضني؟
ليه عايش زي طير مدبوح
فناه مستني؟
حرام يسكن ما بين الدوح
يعيش متهني؟
حرام ينسى العويل والنوح
ومرة يغني؟
ليه روحي بالغرام بتبوح
وتبعدي عني؟
ومش عارف لفين بتروح
إيه واخدك مني؟
وورد العمر ليك بيفوح
بشوك هجرك ليه تألمني؟
ده أهونلي أعيش مجروح
ولا بحبك عليا تمني
وترخص يابني عندي الروح
لو الشوق كان ف يوم هيهيني
ولو قدري أنين و جروح
أكيد ربي في يوم هيعيني
ومن ظلمك هيرحمني
وتنسى الروح تقولك حني
حني
بقلمي/ خالد جمال ١٦/٦/٢٠٢٥
