قصيد بالعامية التونسية
قولي الحق بقلم
شاعر العروبة عبدالله العمراني
قولي الحق وما تنغري
وبسرعة لجوابك نسمع
بين احضاني ماتنظري
عمري من أجلك ليه ندفع
وإذا التشكي عني تحري
َماعندي نية ليك نصفع
انت في قلبي وفي نظري
بين الأنسات الأرفع
صورتك ما تنزاح من فكري
ولا ثانية من ذهني ترفع
جمالك واخذني من بكري
مزروع في شخصي يتوسسع
وغرامك في دمي يجري
وعيوني من فراقك تدمع
وانا لجنابك عازم نشري
مهما كان المهرك ندفع
حبك في وجداني يسري
وعشقك في عقليتي يقنع
انت اخترتك وانت عمري
وانت اللي في ذاتي تزرع
ود وشوق والروحي تبري
تشفيها من الجرح المفزع
اه لو بضروفي تدري
ما تتجاهل طلبي وتسرع
تحميني من ضيقة صدري
تاخذ بيدي ولية تركع
تربح مني حني وعطري
أنا على ظمك لية نطمع
مع زولك يتباهى قدري
ياريتك في رضاية تشرع
حبك يناسب صغري وكبري