----------سنبله -----------
أصرخ يا قلمي وقول
الحق مهما يكون
واتحركي يا مشاعر
واشعلي كل المشاعل
وانبض يا قلبي الحنون
واتنفس يا كلام جوايا
والكلمه هتكون شمعايه
تتزخرف بورد غنوايه
ويغرد عصفور ويايا
ويرفرف هفهف غصون
اتبدلت الحروف
واتغير المآلوف
وانكسر القلم
والكلمه فوق سطور
الخوف بتفجير الالم
زلزال زلزل مشاعري
وتواها بين التراب
وطوفان غرق مجاديفي
ورماها بين السراب
رغم المآسي والهوايل
صوت جوايا قايل
هيعافر مركبي
وأفرد شراعي للحياه
والكلمه مجدفي
يحضنها امواج النجاه
لا تهابي ياكلمه سلاح
مهما يطويكي جراح
وازرعي ف قلبي فلاح
خضره ف الكون براح
يتحرك قلمي المسنون
ينقش علي صدر الحجر
مصر مش انسان بشر
علشان يموت
مصر تاريخها هرم
شيدها للخلود
والآثار الفرعونيه
مش حجاره
والعيون الاجنبيه
واقفه حياره
واتزهزه يا سري المكنون
هتنور كما النبراس
يرسم حياتنا ملونه
وكلامي هيكون حراس
يحرس بلادنا الطيبه
لو حتي يرموني برصاص
او يقلعوني بقنبله
بر ضه كلامي خلاص
هيزرع بدالي سنبله
هتظلل ولام ام حنون
واصرخ يا قلمي وقول
بقلم مصطفى احمد
