مال غصين شجيرتي
ما فنن ما ازهر
مال غصيني وخا سقيتو
وبسماد المحبة عطيتو بلا قدر
مالو مردوم بين الشجر
مال غصين شجيرتي
هاز الهم من الصغر
مالو علا بين الغصان
ما حط عليه طوير
مال الريح العنيدة الشديدة
بعصاها ساستو من اوراقو
ما خلات غلتو أثمر
مالك يا غصيني
يا شمسي هواي وعيني؟
مالك خليتيني معاك
نهز معاك الهم ك الحجر
يا غصيني بالله بدواك
جود وحن وداويني
راه تقاضى الجهد والصبر
يا غصيني لا تلوموني
في محبتك لا تلوم
انت مني وانا منك ك
البارح ك اليوم
ومازال تجرب
وتعذر
يا غصيني
يا غصيني
ما بقاش بزاف
في العمر
يا غصيني ...!
نجات بوريشة