قال قلبى وقلت
بيكلمني قلبي
بيقولي مش قادر
أكمل وياك الرحلة
شوف كام
دقة دقتها في عمرك
تفتكر فاضل كام دقة
لا قادر أتحمل
أكتر من كده تعبت
ولاعاد عندي رغبة
قاومت ولما
زاد الحمل أتحملت
ومرت أزمة ورا أزمة
صاحبتك
ربطتنا كل الأحداث
طول العمر كنا صجبة
بعد طول
المشوار من حقي أرتاح
تعبت من طول الرحلة
**************
ياقلبى
ناوي تسبني و تنهي
الرحلة بعد طول العشرة
عمر طويل
عشناه مع بعض ياقلبى
على المرة والحلوة
عارف ان
قدرنا مربوط مع بعض
ينتهي مع آخر دقة
وكل ماشفنا
متسطر ومكتوب كان
له عند الخلاق حكمة
عارف أنك
أتعذبت وأتحملت
الألم مع كل أزمة وملمة
أتحمل هانت
خلاص قربنا نرتاح
ونوصل لنهاية الرحلة
شاعر العامية/ عبد المنعم حمدى رضوان
