بتاع الفول
عـم هريـدي بتـاع الفـول
أكلـه لـذيـذ ومُـشْ معـقـول
طبعه جميل ولسانه معسول
لو خلص الفول هُوَّا المسئول
يزَوِّد حَـبَّـة دا الجـوع غُول
ابو اسماعيـن والـواد زغلـول
زباين تملي معاه على طول
واقفة الحارة قدامه أسطول
أمـيـن بِيْشَـكِكْ ف الكشـكول
واحمد كالعادة لحوح وعجول
يفطـر يتـقل يمشـي كسـول
وعيال الحارة تقولشي عجول
فيـهم غباوة تتار ومغـول
مفيش نصاحة والعقل أفول
وفـرط حـركة تقـول بندول
صوت القِـدرة كما الأرغـول
تغـزل أغانـي وتُدُق طبـول
يَللَّا يا عـطـوة غـنـي وِقـول
ال خارج من حدانا مسطول
ف الحارة يهَبِّل كما بهلـول
ف سحورنا موجود وهطول
جهازنا الهضمي عليه مسحول
عـم هريـدي بـتـاع الفـول
كلماتي:
الشاعر: حليم محمود أبو العيلة
مصر
