رمضان شهر الطاعات - تأليف/ناصر يوسف عيسى
اوعوا تقولوا يا جماعة على الشهر الكريم غلطات
وتتحاسبوا عليها حتى ولو طلعت منكم كمان فلتات
ده رمضان شهر الصوم والعبادة وقراءة القرآن والحب والطاعات
وعمره ما كان شهر الفجور والعرى أو شهر المسلسلات
ولا حتى التباهى فى العزايم م الأغنياء للأغنياء بأشهى المأكولات
وبعدها تترمى الزيادة اللى تفتح بيوت لشهور فى القمامات
وياريت نحس بالفقير ونقدم له اللى نقدر عليه مش بس الفتات
والأخ يحس بأخته واخوه واهله واللى ربوه بالفعل مش كلمات
ومن نعمة ربنا علينا كلنا إخراج الزكاة وفى القيامة يرتفع قدرنا درجات
وفى النهاية بقول يارب قدرنا على الصيام والقيام وتقبل منا صالح الدعوات
