زجل
(شغلانة تجن)
شغلانة تجن الجن فيها العقل مهاجر
لا فيها قلب يحن ولا حد لله شاكر
قاعدين واقفين ع الخط ميكانيكا وراكبة بواخر
الكل واقف ع الشط ماينضفش حتى فلاتر
واقف قال بيبخ بيقول برش مخاطر
عايز شغلانة بالمخ يكتب أعمال في دفاتر
وساعة الشغل الجد تلاقيهم رايحين لي قناطر
اللحام في الشعر يشد في المكنة والكابلات بيعافر
يجيب الوناش والعدة كإنه خلاص
ح يسافر
مفيش أي مساعدة؟ والله الشغل دا نادر
ويوم ماتيجي تعاتب تشوف سكاكين وخناجر
كلام زعيق ومشاكل تقتل والله حناجر
تقول يا إخوانا حرام دا شغل ماهواش سامر
يقولولك هما كلام يحسسك إنك غادر
تقعد مع نفسك وتفكر الشغلانة دي ملهاش ٱخر؟
ياربي مهما أتصبر طناشهم هوه الظاهر
إحنا عمال ولا سمك ينباع في الشادر
ولا قاعدين في الحفلة بنشوف كاظم الساهر
يا إخوانا دا شغل بجد مش شغل البنت الٱهر
خلو الإيدين تتمد نعيش الزمن الحاضر
ياإخوانا علو الفكر بلاش أصلي مش فاكر
خلوا على طول الرد مدام أقدر أنا قادر
كتبت الكلام ده سنة 2003
زجل في العمل
ل حربي علي
شاعرالسويس
