المتهم
للبلياتشو!!!
تفتكروا إيه الحل إيه يكون العمل
لو الشعور اختل راح منه الأمل
تدخل جحور وقواقع تستنى عطف الغير
ولا تعيش الواقع حر وطليق ك الطير!!!
تفتكروا إيه الحل إيه يكون العمل
لو الشعور اختل راح منه الأمل
ترجع تنادي الحلم من غير رسوم أو تمن
تصبح سيناريو ب فيلم آه لو تعود يازمن!!!!
تفتكروا إيه الحل إيه يكون العمل
لو الشعور اختل راح منه الأمل
تمسك شعاع النور ترسم بنوره ظل
ترسم بساط مسحور فيه الحبيب والخِل
دنيا وفيها الزور فيها الحسد والغل
زي الرحايا تدور تطحن غرور الكل!!!
قالوا الحياة حكايات أنا قولت آه مع نعم
فيها البشر درجات زي الوتر للنغم
ديمًا تقولك هات عاشقة تحب النهم
أجمل ما فيها ساعات وانت وأنا متهم!!!!
آه يا دنيا المواجع آه يا حياة التعب
حتمًا في يوم أنا راجع ومعايا كنز الدهب
عايش حياتي سفر وألف الف بداية
رغم الوهن والكبر كاتب لنفسي نهاية!!!
(من ديواااني
مشاااااعر)
شعر
للبلياتشو
وليد حسانين
(٩/٧/٢٠٢٢)
(القاهرة __مصر)
/وليد عوض إبراهيم حسانين/
