ليش تكفر بية وتحرمني بقلم
شاعر العروبة عبدالله العمراني
ليش تكفر بية وتحرمني
من شبحك يانور العين
وافعالك بيها تظلمني
وأنا لهواك عاشق ورهين
وفي حبك غارق جارفني
عايش مستاجع وحزين
بصراحة وهجك غالبني
عذابه واعر منه النين
ثقيل حمله غلة كايدني
جرحك صعب وليعه خثين
من قلبي على هواك دافعني
غصبا عني وضعي شين
وأنت اسلوبك زاد مرجني
ماتصورتك لي ما تلين
وتركب عندك بيه تصدمني
نقعد شارد طول السنين
ضنيتك بالود تشملني
وترويني سعادة وحنين
ماتوقعتك يوم تجمرني
وتضرب قلبي بالسكين
وفي ضرف قاسي تعزلني
وأنا في مقر حبك سجين
ياوردة قلبي طاوعني
راغب فيك اليوم الدين
زيل ظلمك لية واحضني
ما فيه غيرك احتل العين
ليش تكفر بية وتحرمني
وتدميه اقليبي المسكين
