سيبني يا وجع
سيبني يا وجع كفاية
ده قلبي تعب من الحكاية
كل يوم شايل همومي
وماشي وسط النهاية
تعالى يا فرح خدني
من سكة الحزن وودّيني
ده الجرح طول في عمري
ولا يوم جه يواسيني
ياما قولت للجرح اهدى
وارحم قلب موجوع
ده أنا من كتر ما استحملت
بقيت تايه ومخلوع
كل ما أضحك شوية
ترجع تاني تجرحني
وكل ما أقول هرتاح
ألاقي الهم يتعبني
ده أنا حتى النوم هرب
من عيني بقاله زمان
بقيت أصحى على وجع
وأنام على الحرمان
قولّي ناوي على إيه
ما كفاية اللي جرالي
سيبني أعيش يومين
من غير وجع ليالي
ياااه يا وجع قلبي
ليه القسوة دي كلها
ده أنا قلبي من كتر صبره
بقى شايل جبل لوحده
سيبني يا وجع كفاية
ده قلبي تعب من الحكاية
كل يوم شايل همومي
وماشي وسط النهاية
طب ما إنت شايف بعينك
إني خلاص تعبت
من كتر ما خبيت
دمعي
روحي مني اتسحبت
لا فرح جه يداويني
ولا حضن يوم ريّحني
ولا حد حس بوجعي
ولا حتى طبطبني
بقيت أضحك للناس
وجوايا ألف نار
وأقول يمكن بكرة
يجي الفرح زوّار
لكن الفرح بعيد
واقف ورا البيبان
والجرح قاعد جنبي
عامل نفسه سلطان
ياااه يا دنيا كفاية
ده العمر راح في الأنين
نفسي يوم أعيش فرحان
وأرتاح من السنين
ولو يوم الجرح سابني
هفتح باب الأمان
وأرجع أضحك تاني
زي باقي خلق الرحمن
هقول للفرح تعالى
ده قلبي تعب كتير
خد بإيدي من الوحدة
وودّيني لطريق خير
أصل اللي عاش موجوع
عارف قيمة الحنان
وعارف إن بعد الضيق
لازم ييجي الأمان
وأهو مهما يطول الليل
في يوم هتطلع شمس
وكل قلب موجوع
هيفرح مهما اتظلم أمس
سيبني يا وجع وامشي
ده كفاية اللي جرالي
خلّي الفرح يزورني
وينسي قلبي ليالي
وأنا هعيش بالأمل
مهما الزمان جارحني
طول ما ربنا معايا
أكيد يوم هيريّحني
كلمات وتأليف شاعرالبسطاء سعيدسعيدامام #شاعرالبسطاء #سعيدسعيدامام #الجميع #اشارة@ #متابعين
