ماحد يقدر يلمسك يا روحي بقلم
ابن الخضراء عبدالله العمراني
ماحد يقدر يلمسك يا روحي
ولا يوجعك في يوم فيه يشقيك
مادمت جنبك وين فيه اتروحي
نرخص العمر والله بيه نفديك
خوذي كلامي ونشريه بيه بوحي
وخلي جميع الخلق تحسن ليك
منك اتخاف تنهد من اكسوحي
تصبح خديمة الدور بين أيديك
ولو لا وجودي وقعدتك في كوخي
ماكنت في ها الحال زاهية ليك
والحب جنة كريم ماهو شحوحي
وأنت ملكتي القلب وسعيد بيك
ومعاك راحت منه كل اجروحي
وانسى جميع لهموم بمعاليك
يابنت عمي عليك باني اسروحي
وكل ما اتريد وتشتهي نعطيك
انت هناية وقبلتي وصبوحي
ومفتون عاشق جمال كل مافيك
اصغي الكلامي ونبرتي ووضوحي
وافهم اجراح الحب الله يخليك
