جمعة العيد
بقلم الكاتب الصحفي وشاعر البسطاء سعيد سعيد أمام
يا بخت اللي صحى النهارده على تكبير وسلام
عيد وجمعة اجتمعوا بنورهم في خير ووئام
يوم كريم تترفع فيه الدعوات للعلام
وتلين قلوب شايلة هموم وآلام
ده يوم ما يتعوضش ولا يتكرر كتير
يوم الرحمة فيه تسبق كل تفسير
تفرح قلوب تعبت من حمل السنين
ويرجع الأمل لناس كانت موجوعين
العيد فرحة لكن مش لأي قلب قاسي
العيد للي جبر خاطر وحس بالناس
للي شال الهم عن روح وسط المآسي
وساب في قلب غيره ضحكة وإحساس
وجمعة مباركة بنورها العظيم
فيها الصلاة على النبي أجرها كريم
وفيها الدعاء يطلع لرب رحيم
يفتح أبواب الخير والرزق المقيم
يا رب في اليوم العظيم المبارك
احفظ أحبابنا
وبارك في ديارك
وابعد عننا كل حزن وشارك
قلوبنا براحة تليق بكرمك ورضاك
تالت يوم العيد بنوره وحنانه
وجمعة خير تملي قلوبنا أمانه
يا رب تديم علينا فضلك وإحسانه
وتجمعنا دايم على الخير والمحبة والإيمان
كلمات وتأليف شاعرالبسطاء سعيدسعيدامام #شاعرالبسطاء #سعيدسعيدامام #الجميع #اشارة@ #متابعين
