أيوه أنطفيت
،،،،،،،،،،،،،،،،،،،،،،،،،،
من يوم ماخاف الورد يطلع فى الربيع
من يوم ماسكن الحب قلب الحجر
مع الحنين بقيت بضيع
لاأنا عايشه يومى فى سكات
ولاقادره أرجع اللى فات
الذكريات؟؟
تعبت معايا الذكريات
شافت دموعى
لحظات خضوعى
شهدت على قلبى إللى مات
أيوه أنطفيت
من يوم ماالشجر تاه من جنبه الطريق
من يوم ماعصفورى الجميل
كسر جناحه فرع قلبى إللى أنكسر
بطل يطير
وعاش حياته فى دور الأسير
من يوم ماتهت فى سكه فاضيه
مافيهاش بشر
قلبى أنقهر
تعب القلم
من الكتابه سنه أتكسر
بقيت بدور على الأمان
فين الأمان؟
مالهوش أثر
بقيت بدور على الرفيق
فين الرفيق؟
قلبه قسى زى الحجر
قلبى أنكسر
حتى القمر
مابقاش يونسنى فى طريق
تعب خلاص من السهر
أيوه أنطفيت
والوقتى جه الوقت أقول اكتفيت
بقلمي
ذكريات العمر
