شبعان بجد
أنا اللي عيني مليانة وقلبي بالرضا شبعان
لا يوم جريت ورا خانة ولا طاطيت لغير رحمن
غني بالأصل والذمة وعمري ما بعت يوم ذمة
وهيبة نفسي دي القمة وأنا في عيني ملك سلطان
لقمة حلال بالراحة تداوي القلب وتريحه
أحسن من اللي بملاحة وهمّ الدنيا بيجرحه
يا واكل حق مش حقك بكرة الزمان بِيْدُقك
وتعرف إن أصل الفوز في لقمة طاهرة بتفرحه
سنين وعشنا بنتعلم إن الستر هو المال
واللي يغدر ويسلم ملوش مطرح مابين رجال
يا قلب فوق من الحيرة وخليك في السكك خيرة
ده اللي شبعان بأصوله ميعرفش طريق الأندال
في ناس جاعت بعد شبعة وناس شبعت بعد جوع
واللي تربى على الطمعة يعيش طول عمره في دموع
أما الأصيل اللي معدنه بالجدعنة إحنا بنوزنه
يفضل عياره هو الذهب ونوره في المحن مسموع
خلاص فهمنا الحكاية وعرفنا مين اللي فينا تمام
الأصل هو المراية والباقي كله أي كلام
شبعان بجد وأصولي هما اللي دايماً سندي
وعزتي هي اللي تقولي ارفع راسك يا بطل قدامي
كلمات وتأليف شاعرالبسطاء سعيدسعيدامام #شاعرالبسطاء #سعيدسعيدامام #متابعة #الجميع @ #إشارة
