يَاعَم فُولي
يَاعم فُولي إنت زِعِلت
إكِمني بَاكل من إسِمَك وَكِل
يَاعَم فُولي إحِنا غَلابه
مَكُنتش أعِرف دِى إهَانه
يَاعم فُولي أنا نِفِسي أعِيش
تِقوم تِصادر مِنى الرِغِيف
يَاعَم فُولي لو كُنت أَعرف
إنك هَتيجى أنا كُنت هَهرب
ويوم غِياب مَكَنش يِفرق
يَاعَم فُولي أنا نِفسى أعِيش
وَأكل زَيك رِغِيف نِضِيف
تِعبِت والله من فول وِمِش
بَقينا نِمِشى على طول نِهش
يَاعم هِش يافولي هِش
أنا نِفسى ألبس زَيك نِضيف
نَظاره شَمس وِقَميص حَرِير
وِنِفسى أبويه يِجِبلي جَذِمَه
وِشَراب بِأسِتك وبِلوزه حَمره
بَس يَافولي الدنيا فَانيه.
بِنت لائيمه ولا لِيها لازمه
يَاعم فُولي
أبويه راجل إنسان بسيط
شَقى الغَلابه طول النهار
يادوب يِسدد حَق الرغيف
معه شِوية فُول من المِدمِس
يَادوب نغمس يادوب نغمس
نفسي يافولي تعيش عيشتنا
تِعِرف يَافولي إنك ظَالِمنا
تقوم ترجع على طول رغيفي
بلاش يافولي تيجي على الغلابه
عُمر الغلابه ما جات على الديابه
شعر
على أبو السعود
