قصيدة بعنوان
(ال فاكر؟؟؟؟!)
نفسه يشتري
الحب في زمانا يبقى
غلطان....
ساحة الحب حرب
فيها ال منتصر وال
مكسور وال مقهور
وال مذلول وال متهور
وال متشوه وال موجوع
وال متعتر وال مظلوم
وال حقه مهضوم
وال وال وال وال
خسران.......
ال فاكر نفسه
بحبة فلوس.
وبخصلتين شعر على الكوره.
وبكام غمزة وبرمة شنب.
ورشة ريحة على جسمه
المنتن عشان يلفت النظر
يبقى لاعرفه ولا حسه
ولاذاق مرارته ولا قلبه
كان من أنينه
تعبان.......
الحب بكل ال
فيه إبلاويه وبمشاكله
الحب شيلة بيشلها
إتنين بينهم روح
في جسد مودة وعشرة
وشراكه وكوم هموم
وال مش متحمله في وقت
الغلط ينكشف من خلال
ردوده وأفعاله وسلوكه
بيبان.......
الحب فعل وأفعال
ومين ال يقدر يمتص
الغضب ومين ال يمضغ
الزلط ومين ال اتربى
على الأصل والطيبه
ومين ال من كلمه وشد
وجزب فجأة زالت قشور
الوش ال متلونه وقلع
القناع وظهر قناع
وشه الحقيقي
وطلع عليك كأنه
تعبان.......
الحب دوله.
بكل كيانها وأركانها
وأولاد وعيلة
وطبليه ولمة وضحك
وبكا وسنين بتتمرجح
بمرجحيت الدنيا
يوم تعلى ويوم تهبط
وأيام بتعدي
وتقوى ودين
وفيها رئيس ومركب
ماسك الدفه وراجل صاين
العشرة وأمين وإنسانه.
تتقي الله فيك
وتتقيه فيها
وبينكم إيمان....
ال فاكر نفسه.....
إنه بغبواته طب
وغاص في بحوره
وشاطر وسباح ماهر
إنه هيوصل الشط.
وخلاص إنتهى المشوار
بعد ما طفح الكوته
ودار في ساقية الدنيا
كما التور الأعرج بدون
علفه تسنده وكام كلمه
تمد العمر وتواصل الحلم
وتشد الأزر على لحظة
غضب بدون سبب
هايطلع لك ال متخبي
وال متعان......
الحب مش إتنين
رجاله لا دا راجل وست
حرمه ومدام بجد
وأنثى بسمه
تشق الليل وهدوء
وراحة بال وكلمه
حلوه تبل الريق الناشف
تريح القلب الموجوع
وتعين على الأيام وتطمن
وتهدى ال الدنيا كسراه
وذلاه وطحناه وعجناه
وقهراه وذلاه وهداه
مش شرشحه ولا طولة
لسان وقلة قيمه
ومن المهزله
ألوان.......
الحب فلسفه ومنطق
وقلب وحنين وحاجات
كتير لو قلتها هاكتب
قصايد وبيوت من الشعر
ماينتهيش لأنه ال دايقه
مش زي ال على الشط
وال حاسس بيه وال جربه
دكتور في فنونه من أول
نظرة ليه تلاقيه
من وجع الحب
وهمومه ومشاكله
الجسم نحيل
ودبلان.......
26/5/2026
بقلم شاعر العاميه
(الشاعر خيرى حسنى )
